WhatsApp hesabınızı eyni anda müxtəlif cihazlarda istifadə edə biləcəksiniz!

Meta şirkətinin alt şirkətlərindən olan WhatsApp, yeni funksiyasını sınaqdan keçirir. Belə ki, "Yoldaşlıq" və ya Companion adlanan bu funksiya yeni 2.22.24.28 yeniləməsi ilə birlikdə istifadəçilərə təqdim olunucaq. Şirkətin 2016-cı ildə istifadəyə verdiyi WhatsApp Web ilə birlikdə istifadəçilər hesablarından həm smartfon, həm də kompüterdən eyni zamanda istifadə edə bilirdilər. Yeni funksiya ilə birlikdə istifadəçilər eyni zamanda bir neçə müxtəlif smartfonda hesablarından istifadə edə biləcəklər. Yeni funksiyanı yalnız 2.22.24.28 yeniləməsini dəstəkləyən smartfonlarda həmçinin planşetlərdə istifadə etmək mümkün olacaq.

Qeyd etdiyimiz kimi, bu funksiya vasitəsilə artıq eyni zamanda bir neçə müxtəlif smartfonda və ya planşetdə hesabınızı istifadə edə biləcəksiz. Bu funksiyadan istifadə etmək üçün isə parametr bölməsindən "cihazı birləşdir" seçiminə toxunmaq kifayət olacaq. Bu seçimi etdikdən sonra sizin söhbət tarixçəniz WhatsApp Web-də olduğu kimi digər cihazla sinxronlaşdırılacaq. Funksiya hazırda sınaq (beta) versiyasında olduğu üçün məkan, teq və digər xüsusiyyətlər düzgün işləməyə bilər. Lakin böyük ehtimalla bu problemlər funksiya istifadəyə verildikdən sonra aradan qalxacaq.

Əlavə olaraq qeyd edək ki, şirkətin iddiasına görə bu funksiya eyni zamanda 4 müxtəlif cihazda da sizin hesabınızı sinxronlaşdıra bilər. Həmçinin istifadəçinin mesajları tam təhlükəsiz formada qorunur. Siz də Google Play store tətbiqinə dai olaran 2.22.24.28 beta yeniləməsini öz smartfonunuza yükləyib funksiyanı sınaqdan keçirə bilərsiniz. Qeyd edək ki, bu funksiya bəzi cihazlarda əlçatan olmaya bilər.

https://tedroid.com/texnologiya/proqram/whatsapp-ozunuze-mesaj-gondermeyi-asnalasdiracaq.html