Qarabağ Universitetində beynəlxalq ikili diplom proqramı başlayır!

2026/2027-ci tədris ilindən etibarən Qarabağ Universitetində dünyanın nüfuzlu ali təhsil müəssisələrindən biri olan İstanbul Texniki Universiteti (İTÜ) ilə birgə mühəndislik üzrə ikili diplom proqramı həyata keçiriləcək.

Proqramın üstünlükləri:

• Təhsil tamamilə ingilis dilində
• 3 il Qarabağ Universiteti + 1 il İstanbul Texniki Universitetində təhsil
• Hər iki universitetin diplomu
• İTÜ professorlarının iştirakı ilə tədris
• Xankəndidə müasir laboratoriyalar
• Türkiyədə istehsalat təcrübəsi və yay məktəbi

Proqram aşağıdakı ixtisasları əhatə edir:

• İnşaat mühəndisliyi
• Elektrik və elektronika mühəndisliyi
• Mexanika mühəndisliyi
• Kimya mühəndisliyi

QS World University Rankings 2027-yə əsasən, İstanbul Texniki Universiteti Türkiyənin ən yaxşı universiteti, dünyanın isə 279-cu universitetidir.

Qarabağ Universiteti beynəlxalq əməkdaşlıqlarını genişləndirərək gələcəyin mühəndislərinin hazırlanması istiqamətində yeni mərhələyə qədəm qoyur.