Logitech G PLAY Azərbaycanda: Oyunçular 3 oktyabrda Crescent Mall-da görüşəcək!

Logitech G PLAY çərçivəsində Azərbaycanda gaming icması üçün xüsusi tədbir keçiriləcək.

Qlobal miqyasda oyunçuları, kontent yaradıcılarını, tərəfdaşları və gaming ekosisteminin digər iştirakçılarını bir araya gətirən Logitech G PLAY bu il “Играй на прорыв. Играй на максимум.” mesajı ilə keçirilir.

Azərbaycandakı tədbir 3 oktyabr saat 15:00-da Crescent Mall-da baş tutacaq. Tədbirin əsas məqsədi gaming icmasını bir araya gətirmək, iştirakçılara Logitech G cihazlarını real oyun şəraitində sınamaq və müxtəlif interaktiv gaming təcrübələrində iştirak etmək imkanı yaratmaqdır.

Tədbirdə iştirak edəcək influenserlər də öz izləyiciləri ilə eyni komandada oynayacaq. İştirakçılar həm müxtəlif oyunlarda bir-biri ilə yarışacaq, həm də tədbir zamanı Logitech G tərəfindən təqdim olunacaq müxtəlif hədiyyə və mükafatlar uğrunda mübarizə aparacaqlar.

Tədbirə qatılmaq istəyənlər əvvəlcədən qeydiyyatdan keçməlidirlər. Qeydiyyat və tədbir haqqında ətraflı məlumat üçün: az.logitech.promo