Sizcə insanın və ya əşyanın var olduğu məkandan yox olub başqa bir məkanda ortaya çıxması, qısaca desək teleportasiya mümkündürmü? Əslində bunun mümkün olduğunu və öz gözləri ilə buna şahid olduğunu iddia edən də var. Elə isə biraz keçmişə gedərək hadisəni müzakirə edək.
Hekayəyə keçməmişdən əvvəl teleportasiyanı birazda ətraflı anlayaq. Belə ki, teleportasiya cismi A nöqtəsindən B nöqtəsinə aparan ən sürətli vasitədir. Bunun qəribə tərəfi odur ki, teleportasiya olan cisimlər bu zaman parçalanırlar, yəni yox olurlar Onun başqa yerdə görünən görüntüsü isə əslində cismin özü yox, kopyasıdır. Yəni ki, teleportasiya ilə bağlı işlər zamanı cismin kopyalanma prosesi ilə maraqlanırlar. Hekayənin baş rolundakı şəxs elektrik texnologiyasına böyük töhfələr vermiş, induksiya mühərriki, radio, rentgen və digər bir çox texnikaların ixtiraçısı, lakin, yaşadığı dövrdə dəyəri bilinməyən böyük ixtiraçı Nikola Tesla-dır.
Tesla 1884-cü il aprel ayında yaxın bir dostunun tövsiyyəsi ilə elektrik lampasının ixtiraçısı kimi tanınan Thomas Edison-un yanına Amerikaya gedir. Həmin vaxtlarda Edison birbaşa cərəyanlar üzərində işləyirdi. Amma böyük problemləri var idi. Tesla-ya problemi həll edərsə ona yüksək miqdarda pul təklif edəcəyini bildirir. Öz labaratoriyasını açmaq istəyən Tesla təklifi qəbul edir və problemi həll edir. Əməyinin qarşılığını almaq üçün Edisonun yanına gedən Tesla-ya gələn cavab bu olur: “Hələ amerikalıların zarafatlarını anlamırsınız”. Bundan sonra o Edison-un yanından ayrılır. Lakin bundan sonra Tesla-nın edəcəyi başqa bir iş var idi.
1930-cu illərdə II Dünya Müharibəsinə qarşı hazırlığa başlayan ABŞ gəmilərinin radarlarda görünməməsi üçün elm adamlarından iş görməsini istəyir. Nadir tapılan beynə sahib olan Nikola Tesla-nı da bu işlərin aparılmasına dəvət edirlər. Tesla dəvəti qəbul edir və 1933-cü ildə işə başlayır. Alimlər Albert Einstein-in vahid sahə nəzəriyyəsini əsas götürürdülər. Bu nəzəriyyəyə görə cismə güclü elektromaqnit rezonans tətbiq edildikdə, cisim optik olaraq görünməz olur. Qeyd edək ki, Albert özü heç bu nəzəriyyəsini tətbiq etməmişdi. Tesla-nın məqsədi gəmiyə güclü elektromaqnit rezonans tətbiq etməklə onu görünməz etmək idi. 3 ildən sonra 1936-cı ildə Tesla gəmiləri görünməz etməyi bacarmışdı. Bundan sonra Tesla-dan eyni prosesi içində insanlar varkən təkrarlanmasını istəyirlər. Lakin Tesla, bunun insanlar üçün zərərli ola biləcəyini bildirərək proyektdən ayrılır. Tesla ayrılandan sonra onun yerinə John Von Neumann gəlir.
1943-cü il 22 aprel tarixində Filadelfiyada Amerikaya aid UUS ELDRİGE gəmisinə elektromaqnit yayan cihazlar yerləşdirilir, lakin bu dəfə gəminin içində insanlar var idi. Dalğalar yayıldı və gəmi yaşıl dumanların içində görünməz oldu. Bir neçə dəqiqədən sonra gəmidəkilərlə əlaqə qurmaq mümkün deyildi. Çünki gəmidəkilərin bəziləri ölmüş, bəziləri ağlını itirmiş, bəziləri isə gəminin metal parçalarına qarışaraq ərimişdi
Həmin ilin 28 oktyabr tarixində bəzi texniki problemlər həll olunaraq eyni eksperimenti yenidən aparırlar. Bu dəfə gəmi yenə yox olur, lakin bu dəfə gəmi 600 km uzaqlıqda Norfolk-da görünür. Bir neçə dəqiqədən sonra yenidən Filadelfiyada ortaya çıxır.
Bütün bunlardan ilham alınaraq çəkilmiş film belə var. ABŞ bu hekayəni əlbəttə ki təsdiqləmir. Amma bizə bu eksperimentin gerçək üzünü göstərə biləcək başqa bir şəxs var. II dünya müharibəsi zamanı ABŞ-da xidmət edən Edward Dudgeon Amerikanın gəmiləri gözdən itimək üçün bir sıra işlər gördüyünü təsdiqlədi. Amma elədikləri şey gəmini teleportasiya etmək deyildi. Gəmilərin sulardakı minalara düşməməsi üçün ətrafını elektrik kabelləri ilə sarımaq, qısacası almanların minalarından qorunmaq idi. Bundan başqa 1999-cu ildə UUS Eldrige gəmisinin Filadelfiyada olmadığı sübut edilmişdi.
