Rusiya, Kreml işçilərinə iPhone işlətməyi dayandırmaq üçün aprel ayına qədər vaxt verdi!
Belə ki, ötən saatlarda Rusiya rəsmiləri Apple şirkətinin iPhone modellərinə qarşı sərt fikirlərlə gündəmə gəlib.
Bu vaxta qədər normal olaraq Rusiya əleyhinə çox qərar qəbul edildiyi kimi, Rusiya da özlüyündə ambarqoları ilə tez-tez gəlməkdədir. Belə ki, ötən saatlarda Rusiya rəsmiləri Apple şirkətinin iPhone modellərinə qarşı sərt fikirlərlə gündəmə gəlib. Ortada çox maraqlı iddialar var. Rusiya Prezident Administrasiyasının rəhbəri Sergey Kiriyenko xüsusilə daxili siyasətlə məşğul olan məmurlar və yüksək vəzifəli şəxslərə iPhone istifadəsini dayandırmaqla bağlı son xəbərdarlığı edib. Uyğun olaraq 1 aprelə qədər Kreml işçilərinə ya telefonları zibilə atmaq, ya da uşaqlarına oyuncaq kimi vermək tapşırılıb.
Kreml Rəhbərliyi
“Smartfonlar rəsmi mühitdə istifadə edilməməlidir. Bu cihazlarda hansı əməliyyat sistemindən asılı olmayaraq, onlar çox şəffaf/açıq infrastruktura malikdirlər. Ona görə də bu cihazlar rəsmi məqsədlər istifadə edilməyəcək.”
Bəzi mənbələr Rusiya rəsmilərinin bu qadağaını yalnız iPhone modelləri üçün şamil edildiyini desə də, bəzi mənbələr tərəfindən Android əməliyyat sistemli cihazların da adı hallanır. Kremlə görə, iPhone modelləri digər smartfonlarla müqayisədə qərb tərəfindən hakerlik və casusluğa daha çox həssasdır. Yəni, ilk növbədə iPhone üçün atılan məqsədlərin səbəbi ilk növbədə ABŞ kimi görülür.
Ukrayna Baş Nazirinin müavini Mykhailo Fedorov daha əvvəl Tim Cook-a rəsmi məktub göndərmişdi və Apple-dan Rusiyadakı məhsul satışlarını dayandırmasını istəmişdi. Bu tələbdən sonra Apple gözlənilən addımı atdı və Rusiyada yerləşən məhsulların satışını dayandırdı. Həmin vaxt Apple məhsulların satışı ilə yanaşı daha bir qadağa qoyuldu. Bu təkandan sonra Rusiya və Apple arasında vəziyyət daha da gərginləşdi.
İndi isə böyük bir ehtimalla iOS üzərindən iPhone modelləri üçün Rusiya tərəfindən atılan addım, yavaş-yavaş Android cihazlarla da birgə Aurora OS üzərində təbliğatı gücləndirəcək. Lakin Çin ilə əlaqələri sıx olan Rusiyanın Android cihazlar üzərində çox sərt addımlar atacağı bir o qədər də məntiqli görünmür. Xatırladaq ki, layihənin saytına görə Aurora əməliyyat sistemi ilə işləyən cihazlar hazırda yalnız korporativ və dövlət müştərilərinə satılır. Məhz bu detal da Aurora üzərində atılacaq addımlar barədə əvvəlcədən xəbər vermiş hesab edilir.
