Xiaomi şirkəti elektrikli avtomobilinin buraxılış tarixi ilə bağlı çox əhəmiyyətli bir açıqlama verib. Satışa çıxardığı elektron məhsulları ilə bütün dünyada adından söz etdirməyi bacaran şirkət indi də elektriklə işləyən avtomobilini bazara çıxarmağa hazırlaşır. Son 10 ildə ən böyük dəyişən sektorlardan biri də avtomobil sektorudur. Bir çox məşhur brendlər daxili yanma mühərriklərini elektrik və hibrid mühərriklərlə əvəz edərkən, Tesla kimi şirkətlər elektromobil istehsal edərək bazar payını artırmağa davam edir. Demək olar ki, hər sahədə istehsalı ilə tanınan Çin texnologiya nəhəngi Xiaomi şirkəti, avtomobil dünyasına addım atmağa hazırlaşmaqda nəyi planlaşdırdığına dair məlumat verib.
Xiaomi şirkəti 2024-cü ilin birinci yarısı elektromobilini seriya istehsalına göndərəcək!
Artıq 2 ilə yaxındır ki, Xiaomi şirkətinin elektrik avtomobili üzərində işlədiyi məlumdur. Sözügedən avtomobilin buraxılış tarixi ilə bağlı şirkətdən açıqlama verilib. South China Morning Post qəzetində yer alan xəbərə görə, Xiaomi həmtəsisçisi və baş icraçı direktoru Lei Jun şirkətin üzərində çalışdığı elektrik avtomobili ilə bağlı çox mühüm açıqlama verib. Lei Jun bildirib ki, elektromobil 2024-cü ilin birinci yarısında kütləvi istehsala başlayacaq. Verilən məlumata görə, ilk mərhələdə 300 min avtomobil istehsalı planlaşdırılır. Xiaomi keçən il elektromobilləri sektoruna təxminən 434 milyon dollar sərmayə qoyub. Hələ inkişaf mərhələsində olan Xiaomi MS11 EV adlı elektromobilin dizayn detalları açıqlanıb. Bunlar kefiyyətsizdə olsa aşağıda gördüyünüz şəkillərdir.
Xiaomi şirkətinin açıqlamalarına görə, hazırda inkişaf prosesinin son mərhələsində olan MS11 EV Çinin yollarında qış sınaqlarına keçməyə başlayıb. Dəfələrlə yollarda görüntülənən Xiaomi avtomobilinin yeni sızan görüntülərə və keçmişdə ortaya çıxan dizayna bənzəməsi görüntülərin doğruluğunu sübut edir. Sızdırılan görüntülər asanlıqla başa düşüldüyü üçün sedan sinifindən olması gözlənilən MS11, Tesla Model S modelini xatırladan gördüyümüz tam uzunluqlu tavan şüşəsinə malikdir. Bundan əlavə, arxa tərəfin dizayn baxımından Aston Martin avtomobillərinə bənzədiyini söyləmək mümkündür. LiDAR sensorunun olması avtomobilin müəyyən dərəcədə avtonom idarəetməni dəstəkləyəcəyindən də xəbər verir.
