Microsoft şirkətinin Windows 11 əməliyyat sistemində istifadəçi interfeysini və File Explorer tətbiq xüsusiyyətlərini təkmilləşdirəcək əsas yeniləmə üzərində işlədiyi bildirilir. Əldə edilən məlumatlarda File Explorer tətbiqində yeni axtarış qutusu və yeni Home düyməsi seçilir. Yenidən işlənmiş UI dizaynına əlavə olaraq, başlıq dizaynlarınında dəyişdirildiyi bildirilir. Üst hissədə yenisini yarat, kopyala vəyapışdır kimi mövcud başlıq düymələrinin mövqeyi də yenilənəcək.
Soldakı sürətli naviqasiya menyusu da modernləşdirilib. Detallar paneli də Microsoft 365 ilə inteqrasiya olunub. Microsoft 365 inteqrasiyası nəticəsində istifadəçilər bulud e-poçt vasitəsilə əlavə edilən fayllar haqqında e-poçt mövzularını və son şərhləri görə biləcəklər. Məlumatlara görə bu dəyişikliklərin əksəriyyəti Fayl Explorer imkanlarını sensor ekranlı kompüterlər üçün asanlaşdıracaq. Bundan əlavə, Microsoft yeni Qalereya vasitəsilə tətbiq daxilində daha zəngin fotoşəkillərə baxmaq təcrübəsi üzərində işləyir. İstifadəçilər siçanı şəklin üzərinə gətirdikdə daha böyük önizləmə əldə edə biləcəklər.
Həmçinin qeyd edilir ki, etiketləmək funksiyası Microsoft şirkətinin File Explorer tətbiqinə gələcək. Bu funksiya sizə macOS Finder ilə bənzər olaraq açar sözlər və rənglərdən istifadə edərək xüsusi faylları təşkil etməyə və kateqoriyalara ayırmağa imkan verəcək. Bir müddət əvvəl tab dizaynını gətirən Microsoft şirkəti yuxarıda bəhs etdiyimiz dəyişiklikləri gətirsə, 10 il əvvəl çıxan Windows 8 əməliyyat sistemindən sonra ən əhatəli File Explorer yeniləməsini almış olacağıq. Bildirilir ki, Microsoft bu yenilənmiş Fayl Explorer tətbiqini 2023-cü ilin sonuna qədər istifadəçilərə təqdim etməyi hədəfləyir. Buna görə də, geniş yeniləmələrin əksəriyyətinin Windows 11 23H2 ilə gələcəyi güman edilir.
