Cyberleek “GTA VI” sızıntılarını dayandırdığını açıqlayıb
Son aylarda “Grand Theft Auto VI” ilə bağlı materiallar paylaşan Cyberleek qrupu oyun haqqında yeni sızıntıları dayandırdığını açıqlayıb.
Son aylarda “Grand Theft Auto VI” ilə bağlı materiallar paylaşan Cyberleek qrupu oyun haqqında yeni sızıntıları dayandırdığını açıqlayıb. Qrup həmçinin əlində olduğu iddia edilən və həcminin 200 GB-dən çox olduğu bildirilən oynana bilən versiyanı yayımlamayacağını bəyan edib.
Log.com.tr Cyberleek üzvlərinin iddiasına istinadən bildirir ki, qrup oyunun final hissəsinə qədər irəliləyə bilib. Onlar daha əvvəl paylaşdıqları bəzi görüntülərin oyunun son bölmələrindən götürüldüyünü, lakin süjetlə bağlı vacib detalları açıqlamadıqlarını bildiriblər.
Qrup mümkün saxlanılma halında “GTA VI” ilə əlaqəli çoxsaylı materialları avtomatik yayımlayacaq sistem hazırladığını da iddia edir. Bununla belə, oynana bilən versiyanın mövcudluğu, faylın həcmi, oyunun finalına çıxış və avtomatik paylaşım sistemi barədə deyilənlər müstəqil şəkildə təsdiqlənməyib. Rockstar Games və Take-Two Interactive bu iddialarla bağlı rəsmi açıqlama verməyib.
Rockstar Games-in rəsmi məlumatına əsasən, “Grand Theft Auto VI”nın 19 noyabr 2026-cı ildə PlayStation 5 və Xbox Series X/S üçün təqdim edilməsi planlaşdırılır.
