Volvo, NVIDIA superkompüteri ilə təchiz edilmiş yeni elektrik avtomobili ES90 ilə rəqiblərindən fərqlənməyi planlaşdırır. Belə ki, avtomobil nəhəngi rəqibləri kimi elektromobil sektorunda ad çıxarmaq istəyir və bu baxımdan şirkətin yeni nəsil lüks sedanı ES90, sənayenin ən güclü hesablama imkanlarından birinə sahib olacaq.
Volvo-nun elanına görə,yeni elektrikli ES90 ikili NVIDIA Drive AGX Orin superkompüteri təchiz olunacaq. Beləliklə, ES90, Volvo-nun indiyə qədər istehsal etdiyi ən inkişaf etmiş hesablama gücünə malik avtomobil ünvanını qazanacaq. Qeyd edək ki, elektromobil həmçinin brendin gələcək avtomobillərində istifadə olunacaq Superset adlı yeni texnologiya platformasının bir hissəsi olacaq. Ümumiyyətlə, NVIDIA-nın Orin çipi sayəsində ES90 saniyədə 508 trilyon əməliyyat (TOPS) yerinə yetirə biləcək. Bu inanılmaz sürət süni intellektlə işləyən təhlükəsizlik sistemləri, qabaqcıl avtomobil sensorları və akkumulyatorun idarə edilməsi kimi kritik funksiyaların inanılmaz səmərəliliklə işləməsinə imkan verəcək.
Sistem həmçinin əvvəlki nəsil NVIDIA Xavier kompüterindən səkkiz dəfə çox emal gücü təklif edəcək və bu, Volvo-ya avtonom idarəetmə və təhlükəsizlik texnologiyalarında inqilab etməyə imkan verəcək. Volvo-nun SPA2 platformasında qurulan ES90 markanın EX90 modelindən sonra Superset arxitekturasına əsaslanan ikinci avtomobili olacaq. Volvo, həmçinin Tesla tərəfindən irəli sürülən uzaqdan proqram yeniləmələri sayəsində zamanla sürücüyə yardım sistemlərini, batareya diapazonunu və təhlükəsizlik texnologiyalarını davamlı olaraq təkmilləşdirməyi hədəfləyir.
