İrlandiya Məlumatların Mühafizəsi Komissiyası (DPC) Instagram platformasını Avropa Birliyinin Ümumi Məlumatların Qorunması Qaydalarını (GDPR) pozduğuna görə 405 milyon avro cərimələyib. Qərarın təfərrüatları gələn həftə ictimaiyyətə açıqlanacaq. Instagram sahibi Metaya indiyə qədər tətbiq edilən ən yüksək cərimə 13-17 yaş arası uşaq istifadəçilərin məxfiliyini pozmaq, o cümlədən uşaqların e-poçt ünvanlarını və telefon nömrələrini dərc etməklə bağlı olmuşdur.
Bundan əvvəl də Meta çətiri altında olan WhatsApp keçən il 2018-ci ildə Aİ məlumat qaydalarına əməl etmədiyi üçün 225 milyon avro, Facebook isə 17 milyon avro cərimələnmişdi. İrlandiya Məlumatların Mühafizəsi Komissiyası da Meta-ya məxsus şirkətlərlə bağlı ən azı altı daha araşdırma hazırlayır.
Instagram ana şirkəti Meta-nın sözçüsü elektron poçtla verdiyi açıqlamada cərimədən şikayət etməyi planlaşdırdığını bildirir. O, cəzanın bir müddət əvvəl yenilədikləri köhnə məxfilik parametrləri ilə əlaqəli olduğunu söyləyib. Bir müddət əvvəl gənclərin təhlükəsizliyini və məlumatlarını gizli saxlamaq üçün bir çox yeni funksiyalar tətbiq etdiklərini qeyd edib. Verilmiş məlumatda Instagram platformasının cərimənin hesablanması ilə də razılaşmadıqlarını və qərarın diqqətlə nəzərdən keçirilməsinin vacib olduğunu sözlərinə əlavə edib.
Instagram və Facebook ilə bağlı İrlandiya Məlumatların Mühafizəsi Komissiyası isə qərarlarının qəti olduğu fikrindədirlər. “Biz son qərarımızı keçən cümə günü qəbul etdik və bu, 405 milyon avro cəriməni ehtiva edir” deyə komissiyanın məhkəmə prosesini gözləyəcəklərini bildirib. Bu haqqdaki düşüncələrinizi şərh qismində bizimlə bölüşməyi unutmayın.
