Süni intellekt effekti bank işçilərinə də təsir edib: Böyük bir bank işinin əhəmiyyətli bir hissəsini süni intellektə köçürüb!

Gedərək artan süni intellektlə bağlı ixtisarlara Bank işçilərinin də iştirak etdiyi ixtisarlar əlavə edilib. Belə ki, getdikcə böyüyən süni intellekt effekti bu dəfə bank işçilərinə də təsir edərək, 4000-ə yaxın işçini işsiz qoyub.

Qeyd edək ki, Sinqapurun ən böyük bankı DBS, süni intellektdən daha səmərəli istifadə etmək üçün 4000-ə yaxın əməkdaşını ixtisar edəcəyini açıqlayıb. Bu, bankın ümumi işçi qüvvəsinin təxminən 9,7%-nə bərabərdir. DBS sözçüsü, ixtisarların tədricən olacağını və müvəqqəti və müqavilə vəzifələrinin sona çatması ilə əlaqədar olaraq təbii olaraq baş verəcəyini bildirib. 2025-ci ilin martında vəzifəsini tərk edəcək DBS-in baş direktoru Piyush Gupta, süni intellektlə inteqrasiya olunmuş işləyəcək yeni rolların yaradılacağını bildirib.

Bankın 1000 yeni iş yeri açmağı planlaşdırdığını bildirən Qupta, DBS-nin artıq 350 fərqli istifadə sahəsində 800-dən çox süni intellekt modelini tətbiq etdiyini bildirib. Süni intellektin iş dünyasına gətirəcəyi dəyişikliklərlə bağlı fikirlər müxtəlifdir. BVF-nin idarəedici direktoru Kristalina Georgiyeva proqnozlaşdırır ki, 2024-cü ilə qədər süni intellekt qlobal işçi qüvvəsinin 40%-nə təsir edəcək və bərabərsizliyi artıra bilər. Digər tərəfdən, İngiltərə Bankının rəhbəri Endryu Beyli süni intellektin “kütləvi işləri məhv edən” olmayacağını, lakin böyük transformasiya potensialına malik olduğunu düşünür.