OpenAI tərəfindən GPT-5 hazırlıqları təxirə salındı!

GPT-4 dil modelinin davamı üzərində işləri yavaşladacağını vəd edən OpenAI hələ də GPT-5 təkmilləşdirmələrinə başlamadığını açıqlayıb. Belə ki, mart ayının sonlarında, Elon Musk və Steve Wozniak kimi tanınmış şəxslər daxil olmaqla, mindən çox nüfuzlu şəxs GPT-4-dən böyük dil modelləri üzərində təlimləri ən azı altı ay dayandırmaq üçün çağırış edən açıq məktub imzalamışdı. Görünən odur ki, bu addım OpenAI şirkətinə təsir göstərməyi bacarıb.

Sam Altman öz sözlərində bildirib ki, "fasilə etməli olduğumuz detallara dair texniki nüansları anlamağa çalışırq" və OpenAI hələlik GPT-5 təlimlərinə başlamamışdır. Bir müddət daha OpenAI şirkəti GPT-5 hazırlıqlarına başlamağı planlaşdırmır. Şirkət rəhbəri süni intellekt sistemləri üçün potensial təhlükələrlə bağlı bəzi xəbərdarlıqları dəyərləndirərək, OpenAI-nin üçüncü tərəf ekspertləri ilə hərtərəfli qiymətləndirmə, simulyasiya edilmiş tam miqyaslı kiberhücumlar və digər təhlükəsizlik testləri apara bildiyini də qeyd edib.

OpenAI CEO-su xatırladıb ki, GPT-4 tamamlandıqdan sonra da platformanın ictimaiyyətə təqdim edilməsi üçün 6 ay lazım olub. Şirkət həmçinin AI startapları üçün limitləyici requlyasiyalarla da tam razı deyil. Buna baxmayaraq açıqlamalar hələ də GPT-5 dil modelinin inkişaf etdirilmədiyi ilə bağlı verilir.