EduArt-DigiEduHack Baku’23, Azərbaycanda növündə ilk hackathon, INNOLAND İnkubasiya və Akselerasiya Mərkəzinin təşkilati dəstəyi və sponsorluğu, həmçinin Tedroid-in media dəstəyi ilə keçirildi. INNOLAND-da keçirilən 2 günlük hackathon Platon Tech komandasının müsabiqəni uğurla başa vuraraq Azərbaycanı beynəlxalq mərhələlərdə təmsil etmək hüququ qazanması ilə yekunlaşdı.
İlkin olaraq hakatona 125-dən çox müraciət daxil olmuşdu. Lakin seçim mərhələsindən sonra onlardan yalnız 75 nəfərin EduArt-DigiEduHack Baku’23-də iştirakı təsdiq edildi. Müsabiqə 11-12 noyabr tarixlərində 18 komandadan 70-dən çox üzvün iştirakı ilə keçirildi.
Hakatonun ilk günü DigiEduHack haqqında təqdimatla başladı və Ülvin Ömərovun Düşüncə modeli üzrə sessiyası ilə yekunlaşdı. İkinci gün 10-dan çox yüksək ixtisaslı yerli və beynəlxalq mentor hakatonda ideya sahiblərinə yüksək səviyyəli dəstək göstərdi. Gün ideyaların final təqdimatı və qalib komandaya mükafatlandırma mərasimi ilə sona çatdı.
Xüsusilə, Guavapay-in Baş məhsul sahibi Şahlar Dəmirli, Metatesk-in CEO və təsisçisi Günay İmanzadə və Sabah.hub İnnovasiya Mərkəzinin Proqram meneceri Sultan Abdullayev müsabiqənin münsiflər heyətini təşkil etdilər. Komandalar öz ideyaları üzərində işləyərək onları münsiflərə təqdim etdilər.
Qeyd edək ki, hakaton zamanı, Bizon, iştirakçıları enerji içkiləri ilə təmin edib. Maraqlı bir həftəsonundan sonra, lokal mərhələnin qalibi PlatonTech komandası oldu.Onların layihəsi holoqram sistemləri ilə eksperimental təlim təcrübəsini təmin edərək təhsilin estetikasını inqilaba sövq edir. Layihə holoqram sistemlərini ən azı 15 dəfə ucuzlaşdırmağı hədəfləyir. Qalib kimi, PlatonTech komandası DigiEduHack Global Awards uğrunda mübarizədə Azərbaycanı Experienced: Disruptive Technology kateqoriyası üzrə təmsil edəcək.
Innoland haqqında:
Innoland İnkubasiya və Akselerasiya Mərkəzi Azərbaycanda startapları təhsil, mentorluq və resurslara çıxış verməklə dəstəkləyən aparıcı texnologiya inkubatoru və akseleratorudur. Onların məqsədi Azərbaycanın startap ekosistemini inkişaf etdirmək və regionda gələcəyin sahibkarlar nəslini yetişdirməkdir.
EduArt-DigiEduHack Baku’23-ü Innoland-ın müasir imkanlarından istifadə edərək keçirmək üçün onlarla tərəfdaşlıq etməkdən məmnunuq. Gənc innovatorları gücləndirməyə olan sadiqliyi təqdirəlayiqdir.
