PlayStation VR2 təqdimat tarixi və qiyməti məlum olub!

Sony şirkətini yeni nəsil virtual reallıq eynəyi olan PlayStation VR2 modeli iyul ayının sonlarına doğru rəsmiləşmişdi. Həmin tarix etibarilə yeni PS VR2 modelinin hansı xüsusiyyətləri dəstəkləyəcəyi və render görüntüləri ilə tanış olmuşduq. Sony şirkətinin oyunlar üçün nəzərdə tutduğu birinci nəsil PlayStation VR ilə müqayisədə yeni PlayStation VR2 modeli artırılmış reallıq funksiyaları ilə daha da təkmilləşdirməli idi. Artırılmış reallıq dedikdə isə məsələn, xarici kameralar ilə eynəyi taxdığınız zaman otağınızın PS VR2 ilə virtuallaşdırılması nəzərdə tutulur. Eynəyi çıxartmadan olduğunuz mühiti rəqəmsallaşdırmağa yarayan See-Through View xüsusiyyəti eynəyin diqqət çəkən yeniliklərindən biri olacaq. Həmçinin, canlı yayım dəstəyi ilə PS VR2 modeli insanları özünə çəkməyə imkan verəcək. Oyun yayımı ilə məşğul olanlar məzmunu yayıma ötürə biləcəklər.

PlayStation VR2 modeli 549,99 dollara satışa çıxarılır

4K keyfiyyətində oyunları və məzmunları izləməyə imkan verən və hətta 120Hz görüntü yeniləmə tezliyinə sahib PlayStation VR2 modeli 2023-cü ilin 22 fevral tarixindən etibarən satışa çıxarılacaq. Ön sifarişlər isə bu aydan, daha dəqiq desək 15 noyabr tarixindən başlayır. Qutu daxilində PS VR2 ilə birlikdə PS VR2 Sense adlı idarəçi, eyni zamanda stereo səs dəstəyinə malik qulaqlıqlar çıxacaq. "Horizon Call of the Mountain" oyununa özəl versiyasə isə 599$ təşkil edir. Əlavə olaraq 49,99$ ödəyərək PS VR2 Sense üçün şarj stansiyası da ala bilərsiniz. Virtual reallıq eynəyi satışa çıxarıldaqdan sonra ən az 20 müxtəlif oyunun təqdim edilməsi də gözlənilir.

Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın.