Galaxy S25 seriyasının yeniliklərindən biri Bixby olacaq!

Uzun müddətdir ki, gözlənilən Bixby barədə indi yeni məlumatlar ortaya çıxıb. Belə ki, Samsung-un yeni flaqman seriyası Galaxy S25 istifadəçilərinə Bixby səsli köməkçisini təklif edəcək. Bununla da, Bixby yeni smartfon seriyasının ən vacib yeniliklərindən birinə çevriləcək.

Etibarlı mənbənin verdiyi məlumata görə, 2025-ci ilin əvvəlində təqdim edilməsi gözlənilən Galaxy S25 seriyası tamamilə yenilənmiş Bixby rəqəmsal köməkçisi ilə satışa çıxarılacaq. Bu yeni nəsil Bixby-nin Galaxy S25-in ən güclü satış nöqtələrindən biri olacağı vurğulanır. Əvvəlki hesabatlarda Samsung-un süni intellekti Bixby köməkçisi ilə birləşdirəcəyi bildirilmişdi. Beləliklə, Galaxy S24 seriyasının müvəffəqiyyətində təsirli olduğu ifadə edilən Galaxy AI inteqrasiyasının Galaxy S25 seriyası ilə bir addım daha irəli gedəcəyi bildirilir.

Bixby-nin bu yeni versiyasının generativ süni intellekt texnologiyasından istifadə edərək daha funksional istifadəçi təcrübəsi təmin edəcəyi gözlənilir. Daha əvvəl çıxan məlumatlarda, Galaxy S25 seriyasının Google Gemini Nano-nun qabaqcıl xüsusiyyətlərini birləşdirəcəyi iddia edilmişdi. Bununla belə, yeni məlumatlar göstərir ki, Samsung Google texnologiyasını tam şəkildə mənimsəməkdənsə, Bixby-ni gücləndirməyə diqqət yetirir. Samsung-un Galaxy S25 seriyası üçün yeni nəsil Bixbydə ChatGPT, Google Gemini və Samsungun öz Gaussian sistemi də daxil olmaqla süni intellekt mühərriklərinin kombinasiyasından istifadə edəcəyi bildirilir.