Xiaomi şirkəti ötən gün MWC 2023 sərigi timsalında ən yeni nəsil elektrikli skuteri olan Xiaomi Electric Scooter 4 Ultra modelini təqdim etdi. Yeni skuter adətən bir mopeddən baha qiymətə satılsa da, skuterlər sinfindən ən müasir xüsusiyyətləri özündə birləşməsi ilə fərqlənir. Skuterlə bağlı ilk diqqət çəkən detal batareya ömrünün çox yaxşı olmasıdır. Çünki, tək şarj ilə 70 km ortalama yürüyüş məsafəsi verməyi bacarır. Elektrik mühərrikləri maksimum 940 vatt güc hasil etdikdə, bu skuter 25 dərəcəlik dik yoxuşları 25 km/s sürət ilə rahatlıqla qalxmağı bacarır. Təbii ki, 25 km/s sürəti qanunlar nəzərən tənzimləndiyindən limit bu cür təyin olunur.
Normalda hasil etdiyi güc 45-50 km/s hərəkət sürəti üçün uyğundur. Skuterin dörd fərqli sürüş rejimi var. Bu rejimlər isə skuterin sürətini tənzimləyir. Məsələn, ən aşağı rejimdə 5 km/s sürət ilə normal insan tempində skuteri apara bilərsiniz. Digər bir tərəfdən Xiaomi Electric Scooter 4 Ultra modelinin ön və arxa təkər oxlarında asma sistemləri quraşdırılıb. Bu asma sistemləri isə xüsusilə skuterin gövdəsini və sürücünü nahamar yollarda zərbələrə qarşı daha yaxşı qoruyur.
Skuterin 10 düymlük təkərlərində isə DuraGel adı verilən xüsusi texnologiya işlədilib. 3.5mm-dən balaca hər hansı bir cism təkərə dəyib quruluşunu zədələyərsə, DuraGel texnologiyası ilə təkərlər sürətlə əvvəlki vəziyyətinə qayıtmağı bacarır. Qeyd edək ki, skuterin tam şarj olunması 124 vatt adapter ilə 6,5 saat çəkir. Yüksək müqavimətli alüminium gövdəyə, su və toz sıçramalarına qarşı IP55 sertifikatına malikdir. 120 kq yük daşıya biləcəyindən əksər insanların istifadəsi üçün uyğundur.
Şirkət eyni zamanda bildirir ki, Xiaomi Electric Scooter 4 Ultra gecə sürüşləri üçün də gücləndirilmiş ön və arxa işıqlar əldə edib. Arxa tərəfdən gələn avtomobillərin qaranlıqda skuteri ayırd etməsi asanlaşdırılıb. Skuterin qiyməti isə 999 Avro təşkil edir.
