Daha əvvəl Toyoto brendinin qatı halda olan batareyalar ilə bağlı ideyasından bəhs etmişdik. Belə ki, texnologiya nəhəngi ötən aylarda yeni batareya texnologiyasına keçid edəcəyi barədə açıqlama vermişdi. İndi isə Toyota qatı halda olan batareyalar üçün Idemitsu Kosan adlı şirkət ilə tərəfdaşlıq edəcək. Görünən odur ki, Toyota yeni batareya texnologiyasının istehsalı üçün əlindən gələni edir. Ümumiyyətlə qatı halda olan batareya sistemləri yaxın gələcəkdə daim inkişaf edən elektromobil bazarının əsasını təşkil edəcək.
Bu gün elektromobillər, xüsusilə də çinli şirkətlərin istehsal etdiyi elektromobillər çox yüksək məsafələr vəd edir. Lakin yaxşı xəbər budur ki, bu hələ başlanğıcdır. Toyota brendinin qatı halda olan batareyalar üçün planladıqları reallaşarsa elektromobil sektorunda yeni inqilab olacaq. Bildiyimiz kimi, BMW, Ford, QuantumScape, Solid Power, Toyota və Samsung kimi brendlər çox uzun müddətdir ki, gələcəkdə litium-ion batareyaları əvəz edəcək bu akkumulyatorlar üzərində aktiv şəkildə işləyirdilər. Litium-ion batareyalardan daha təhlükəsiz və daha çox enerji tutumuna sahib olan bu yeni nəsil batareyalar artıq daha uzun istifadə müddəti də təklif edir.
Toyota şirkəti qatı halda olan batareyalar üçün Idemitsu Kosan ilə tərəfdaşlıq etməyə başlayaraq ilk addımı atdı. Lakin təəssüf ki, bu tərəfdaşlığın bəhrələri dərhal alınmayacaq. Əgər hərşey plana uyğun davam edərsə qatı halda olan batareyalara sahib elektromobillərin kütləvi istehsalı 2027, 2028-ci ildən sonra başlaya bilər.
