Aylarla davam edən söz-söhbətlərdən və fərziyyələrdən sonra OpenAI, ChatGPT və yeni Bing kimi proqramları gücləndirən süni intellekt dil modellərinin ən yenisi olan GPT-4-ü elan etdi. GPT-4-ün elanında OpenAI, sistemin altı aylıq təhlükəsizlik təlimindən keçdiyini və daxili sınaqlarda GPT-3.5 ilə müqayisədə fakta əsaslanan cavablar yaratmaq ehtimalının 40% daha yüksək olduğunu bildirib.
Şirkət yeni modelin əvvəlkindən daha yaradıcı olduğunu və çətin problemləri daha yüksək dəqiqliklə həll etdiyini bildirir. O, həm mətn, həm də şəkil daxiletməsini təhlil edə bilər, lakin yalnız mətn vasitəsilə cavab verə bilər. OpenAI, yeni nəsil süni intellekt modelinə məhsullarına inteqrasiya etmək üçün Duolingo, Stripe və Khan Academy daxil olmaqla bir sıra şirkətlərlə əməkdaşlıq etdiyini açıqladı. 175 milyard parametrlə təkmilləşdirilən GPT-3 ilə müqayisədə GPT-4 bəzilərinə görə, 100 trilyon parametr ilə təkmilləşdiriləcəkdi. Lakin OpenAI bu detallara toxunmaq istəməsə də yekun fikir 100 trilyon söz-söhbətinin doğru olmadığını göstərir. Yəni GPT-4 eyni parametrlərdə ciddi təkmilləşmələr əldə edəcək. Bu, bu günki aspektdən baxdıqda heyfisləndirici hissiyat yaşada bilər, lakin biraz düşünsəniz 100 trilyon parametr ilə dil modelinin hansı səviyyəyə çata biləcəyin düşünmək çox fantastik görünür. Eyni zamanda böyük bir ehtimalla bu qədər böyük resursla işləmək ehtiyatlar baxımından da çətinliklər yaradır. Microsoft Azure ilə minlərlə NVIDIA əsaslı sistemini OpenAI üçün ayırmış vəziyyətdədir. GPT-4 üçün indiki səviyyədə belə bu qədər böyük resurs tələb olunarkən, süni intellekt modellərinin gələcəyini düşünmək sadəcə bizləri heyrətləndirə bilər.
Yəni, GPT-4 vizual daxiletmə və mətn əsaslı əmrləri qəbul edir ChatGPT-nin hal-hazırda mövcud olan variantından fərqli olaraq eyni anda 25.000 sözə qədər məlumatı qəbul edə bilir. Open AI veb-saytında istifadə olunan vizual nümunə bu qabiliyyəti çox gözəl şəkildə yekunlaşdırır. Onu da qeyd edək ki, bu yeni imkanlara daha yaxşı düşünmə qabiliyyəti əlavə edilib. GPT-4 çoxlu məlumat nöqtələrini əhatə edən mürəkkəb sualları daha yaxşı həll edir. Hətta OpenAI, GPT-4-ün əvvəlki modellə müqayisədə imtahanlarda daha yüksək müvəffəqiyyət əldə etdiyini də göstəricilərdə videoya əlavə edib.
OpenAI bildirir ki, o, dördüncü nəsil süni intellekt modelini daha dəqiq və etibarlı etmək üçün insan rəylərini analiz edərək, doğruluğunun təsdiqlənməsi ilə birbaşa istifadə edi. Bundan əlavə, bu rəyə ChatGPT-dən toplanan rəylərdə daxildir. Onu da əlavə edək ki, ChatGPT Plus abunəçiləri üçün mövcud olan GPT-4 API gözləmə siyahısı vasitəsilə tərtibatçıların üzünə açılır. Bu məqamda xatırladaq ki, ChatGPT Plus-ın aylıq abunə haqqı 20 dollardır. Microsoft da “yeni Bing” söhbət təcrübəsinin GPT-4 üzərində qurulduğunu açıqlayıb. ChatGPT dəstəyi ilə sürətlə populyarlaşan Microsoft Bing axtarış sisteminin gündəlik aktiv istifadəçi sayında 100 milyonu keçib. Nətcə etibarilə GPT-4 bu gün dil modeli yox, şirkət tərəfindən bir vizyon modeli kimi qiymətləndirilir. Yumurtadan südə qədər inqridiyent olan şəkillərdə şəkilə baxıb ona uyğun reseptlər çıxarmaqdan tutmuş, anlamaqda çətinlik çəkdiyiniz şəkilləri anlayıb izah etmək, bəzən həkimlərdən belə “daha çox bilməklə” gələcəyin böyük bir gücü olmağa addım-addım irəliləyir.
