Rəqəmsal dünyada vizual və audio məzmunun sürətlə yayılması ilə bəşəriyyət yeni dövrün astanasına gəlib çatıb. Belə ki, indi də real həyatda mövcud olan qoxuları rəqəmsallaşdırmaq mümkün olacaq. Osmo.ai ilə birlikdə qoxuları birbaşa olaraq rəqəmsal hala çevirərək ötürmək reallaşa bilər.
Ümumiyyətlə, uzun müddətdir ki, insanlar arasında qoxuların rəqəmsal olaraq ötürülməsi ideyası mövcud idi. Hətta bəlkə də, hər kəs ən azında bir dəfə bunun reallaşmasını xəyal edib. İndi isə xəyallar gerçək olur və artıq qoxuları rəqəmsallaşdırmaq belə mümkündür. Osmo tərəfindən hazırlanan texnologiya bu vəziyyəti dəyişdirməyi və qoxuları rəqəmsal mühitə inteqrasiya etməyi bacarıb.
Texnologiyanın gündən-günə sürətli inkişafı ilə qoxu da daxil olmaqla hər sahədə bir transformasiya başlayıb. Belə ki, Bu transformasiyanın ən maraqlı nümunələrindən biri qoxuların rəqəmsallaşdırılmasıdır. Alex Wiltschkonun rəhbərlik etdiyi Google Araşdırma komandası rəqəmsal mühitdə qoxuların işlənməsi və daşınması istiqamətində mühüm addımlar atıb. Həta onlar bu sahədəki inkişafları təşəbbüsə çevirmək üçün Osmo şirkətini qurublar. Osmo qoxuların rəqəmsallaşdırılmasında liderliyi ilə diqqəti cəlb etməklə yanaşı, sağlamlıq, təhlükəsizlik və rifah baxımından da insan həyatını yaxşılaşdırmağı hədəfləyir.
Bu texnologiyanı mümkün edən qaz xromatoqrafiyası-kütləvi spektrometriya (GCMS) cihazları ilə qoxu molekullarının təhlili və bu məlumatların rəqəmsal emalı idi. Təhlil edilən qoxu molekulları süni intellekt tərəfindən dəstəklənən Əsas Qoxu Xəritəsi (POM) vasitəsilə yenidən formalaşdırılır və onların maye formasına çevrilməsi baş verir. Bu proses qoxuları rəqəmsal şəkildə təqdim etməyə və daha mürəkkəb qoxu düsturlarını dəqiqliklə təhlil edib təkrar istehsal etməyə imkan verir. Osmo-nun qoxuların rəqəmsallaşdırılması texnologiyası bu texnologiyanın potensial tətbiq sahələrini də genişləndirir.
Ətir sənayesini dəyişdirmək məqsədi bu təşəbbüsün ən diqqət çəkən cəhətlərindən biridir. Dərin öyrənmə üsulları ilə qoxu molekullarını təxmin edə bilən Osmo, yeni ekoloji cəhətdən təmiz və təhlükəsiz aromatik molekullar istehsal etməyi hədəfləyir. Qrafik neyron şəbəkələrindən istifadə edən molekulyar proqnozlar təbiətdəki qoxu komponentlərinin davamlılığını artırmaq potensialına malikdir.
