Yüksək sürətli kosmik səyahət çüün VASIMR adlı raket sistemini inkişaf etdirən Ad Astra, qarşılaşdığı enerji problemlərini həll etmək üçün SpaceNukes ilə əməkdaşlıq edib. Beləliklə, kosmik səyahət nüvə enerjisi ilə işləyən plazma raketi ilə inqilab edə bilər.
Alimlər uzun müddətdir ki, nüvə elektrik mühərrikinə Günəş sisteminin kəşfinin potensialını ortaya çıxaracaq transformasiya texnologiyası kimi baxırlar. İndi bu texnologiyanın kritik komponentlərində davamlı irəliləyiş əldə edən iki şirkət bu vizyonu reallaşdırmaq üçün əhəmiyyətli və bir o qədər də kritik addım atmaq üçün güclərini birləşdirirlər. Qeyd edək ki, Ad Astra Roket Şirkəti uzun müddətdir ki, Variable Specific Impulse Magnetoplasma Rocket (VASIMR) adlı sistem üzərində işləyir. Lakin bu tip elektrik mühərrikləri çox enerji tələb etdiyi üçün şirkət bu problemi həll etmək üçün sistemi “nüvə reaktoru” ilə inkişaf etdirməyi hədəfləyir.
Bu çərçivədə isə Ad Astra kosmik missiyalarda istifadə üçün 1 kVt-lıq nüvə reaktoru olan Kilopower-ı inkişaf etdirən Kosmik Nüvə Enerjisi Korporasiyası (SpaceNukes) ilə strateji tərəfdaşlıq qurub. Ad Astra-nın 20 ildən artıqdır üzərində çalışdığı VASIMR, elektrik mühərriki sistemi kimi diqqəti çəkir. Bu sistem plazmanı maqnit sahələri ilə sürətləndirərək itələmə təmin edir. İon itələyiciləri kimi elektrik mühərrik sistemlərinə bənzəsə də, VASIMR daha çox enerji tələblərinə malikdir. Mövcud elektrik mühərrik sistemləri ümumiyyətlə günəş panelləri və ya radioizotop termoelektrik generatorları (RTG) ilə enerji təmin edir. Bununla belə, bu resurslar VASIMR kimi yüksək enerji tələbləri olan sistemlər üçün kifayət deyil.
VASIMR-də maksimum gücə və səmərəliliyə nail olmaq üçün 100 kilovatdan çox elektrik enerjisi tələb olunur. Bu zaman isə əsas yük SpaceNukes-in üzərinə düşür. Şirkət 2018-ci ildə 1 kVt-da işləyən Kilopower sistemini uğurla sınaqdan keçirib. Hazırda ABŞ Kosmik Qüvvələrinin JETSON layihəsi çərçivəsində 12 kVt-lıq model üzərində işləyir. Uzunmüddətli perspektivdə bu reaktorların 100 kVt və ya daha yüksək güc səviyyələrinə çatması nəzərdə tutulur. Yəni gələcəkdə hər şey planlaşdırıldığı kimi davam edərsə kosmik səyahət nüvə enerjisi ilə işləyən plazma raketi ilə inqilab edəcək.
