Birbank gənclərin innovativ potensialını üzə çıxarmaq məqsədilə Spark Tələbə İnnovasiya proqramına start verir.
Bu proqram tələbələrə real texnoloji problemlər üzərində işləmək, innovativ həllər təklif etmək və öz ideyalarını Birbank mütəxəssislərinə təqdim etmək imkanı yaradan müsabiqə formatlı inkişaf platformasıdır.
Tələbələrin ideyaları texnologiya və innovasiyanı özündə birləşdirən istənilən yeniliyi əhatə edə bilər. Spark gənclərin yaradıcılığını stimullaşdırmaqla yanaşı, onlara praktiki təcrübə, komanda işi və müasir bankçılıq mühitində layihə idarəetməsi bacarıqları qazandırır.
İştirakçı olmaq istəyən tələbələr “məhsul sahibi”, “biznes analitik”, “developer” və “dizayner” rollarını paylaşaraq 4 nəfərlik komandalar şəklində iştirak edəcəklər.
Müsabiqəyə orta göstəricisi (GPA) 70+ olan 3-cü və 4-cü kurs bakalavr, həmçinin magistr tələbələri müraciət edə bilərlər.
Seçim mərhələsini uğurla keçən komandalar Birbank mütəxəssisləri tərəfindən həyata keçirilən xüsusi mentorluq, təcrübə proqramı, şəbəkələşmə və təlimlərdə iştirak imkanı qazanacaqlar.
Proqramın final mərhələsində fərqlənən ideyalar qiymətləndirilərək, ilk üç yerin qalibləri müvafiq olaraq 4000 AZN, 2000 AZN və 1000 AZN pul mükafatı ilə təltif olunacaqlar.
Vaxt itirmədən komandanı qur və qeydiyyatdan keç.
